Ye Dawr Ghawth Ka Hai [Lyrics]

Ye dawr Ghawth ka hai zamaana Ghawth ka,

Phir kyuñ tarap raha hai deewaana Ghawth ka

Nisbat ki kar hifaazat mawt aaye ban ke rehmat,

Bin towbah nah marega deewaana Ghawth ka

Noori Raza o Haamid Akhtar Ziya ko dekh,

Ye sab chamak rahe haiñ hai chamkaana Ghawth ka

Tanha woh kutta sheroñ pe bhari dikhaayi de,

Ik baar jis ne khaaliya hai khaana Ghawth ka

Sarkaar dushmanoñ meiñ use kaise chhordeiñ,

Jo naam le raha hai rozana Ghawth ka

Boleñge dekh kar ke sipaahi ye Hashr meiñ,

Chhero na iss ko ye hai mastaana Ghawth ka

Ye ik corona kya hai hazaaroñ bhi hoñ agar,

Apne liye hai kaafi shifa khana Ghawth ka

Arif Raza ne aisa pilaaya hai jaam e Ghawth,

Duniya pulaar utthi hai deewaana Ghawth ka

Listen: https://youtu.be/i2oYzXQ1b9s

Lahad Meiñ Aaqa Ki Deed Hogi [Lyrics]

Lahad meiñ Aaqa ki deed hogi

mein saj ke ghar se nikal raha hooñ

mere azizoñ ye rona kaisa

makaan hi to badal raha hooñ

baad meiñ ye sawaal pahle

nakeeroñ Aaqa ka dhikr chhero

milan ki shab hai kafan meiñ apne

khushi ke maare machal raha hooñ

Kisi ke Dar ka faqeer hooñ meiñ

mohabbatoñ ka aseer hooñ meiñ

meiñ be-sahaara nahiñ hooñ logoñ

Nabi ke tukroñ pe pal raha hooñ

Bari katthhin hai Hasan ye raateiñ

sunaate rahiye Nabi ki na'teiñ

sukoon milta hai dard e dil ko

meiñ na't sun kar machal raha hooñ