Tera Darbaar Mufti e Azam [Lyrics]

Tera Darbaar Mufti e A'zam,

Hai pur-anwaar Mufti e A'zam.

Tera deedaar hai dawa meri,

Mein hooñ beemar Mufti e A'zam.

Kasrat e gham ka kyuñ ho gham mujh ko,

Jab haiñ ghamkhwaar Mufti e A'zam.

Ghawth e A’zam ka waasta sun lo,

Sun lo Sarkaar Mufti e A'zam.

Tooti kashti pe toota toofaan,

Kijiye paar Mufti e A’zam.

Sunniyoñ mat daro la’eeno se,

Haiñ madadgaar Mufti e A’zam.

Le ke aaye haiñ hum saee daaman,

Bhar do Sarkaar Mufti e A'zam.

Aap ke dar se ho ke jayenge,

Hum bhi Sarkaar Mufti e A'zam.

Ab zamaana kaha se layega,

Tum sa Dildaar Mufti e A'zam.

Phir zamane ko chahiye tumsa,

Ek me'waar Mufti e A'zam.

Apni sham'e Wila se chamkaaya,

Saara sansaar Mufti e A'zam.

Naadim e be-hunar se mad-ha teri,

Kab ho Sarkaar Mufti e A'zam.

Apne Zaahid ko kab dikhaoge,

Apna Darbaar Mufti e A'zam.