Tum Se Jo Guraizaañ Hai Lyrics

Tum Se Jo Guraizaañ Hai Farzaanah Woh Weeranaah

Shaida Jo Huwa Tum Par Weeraanah Woh Farzaanah

Aajaa Dil E Weeraañ Meiñ Tera Ho Ye Kaashaanah

Lillah Karam Farmaa Aye Jalwa E Jaanaanah

Aankhoñ Se Pilaa Woh Mai Sarmast Rahooñ Jis Se

Bharde Mera Paimaanah Aye Saaqi E Maikhaanah

Woh Abr E Bahaar Aaya Har Shai Pe Nikhaar Aayaa

Laa Jald Mere Saaqi De Saaghar O Paymaanah

Kya Raat Ke Parde Se Chupke Se Sahar Nikli

Yaa Jaan E Dil E Aaraane Zulfoñ Meiñ Kiya Shaanah

 

Badkaar Sahih Laikin Bandah Hooñ Tere Dar Kaa

Mehroom Nah Rakh Mujhko Ae Shaan E Kareemaanah

Yooñ Thaam Ke Daaman Ko Machlaa Hai Sar E Mehshar

Dekhe Koi AKHTAR Kaa Yeh Naaz E Ghulaamanah

- - -

Penned by Huzoor Taaj ush Shariah Alaihirrahmah

Noor E Mustafai Se Qalb Jagmagaayeñge [Lyrics & Video]

Noor E Mustafai Se Qalb Jagmagaayeñge

Rehmatoñ ki baarish meiñ har ghari nahaayeñge

Aamad E Risaalat Par Eid Ham Manaayeñge

Jalne Waale Jatle Haiñ Aur Ham Jalaayeñge

Mustafa Nahiñ Bhoole Jab Humeiñ Wilaadat Par

Ham Wilaadat E Aaqa Kaise Bhool Jaayeñge

Jo Ddubone Aayega Khud Hi Ddoob Jaayega

Ham Ghulaam E Ahmad Haiñ Ddoobne Nah Paayeñge

Jo Bhi Jis Ka Khaata Hai Uss Ke Geet Gaata Hai

Ham Bhi Jis Ka Khaate Haiñ Uss Ke Geet Gaayeñge

Jab Talak Hai Dam Apna Jab Talak Ye Saanse Haiñ

Mehfileñ Sajaayeñge Jashn Bhi Manaayeñge

Jibraeel Ne Jhandde Lagaaye The Wilaadat Par

Iss Liye To Ham Jhadnde Lagaate Haiñ Lagaayeñge

Jo Nabi Ke Dushman Se Meil-Jhol Rakhega

Khuld Ki Mehek Bhi Woh Ba Khuda Nah Paayeñge

Khushaqeeda Khush Hoga Badaqeeda Royega

Naaraa Pyaare Aaqa Ka Sunni Jab Lagaayeñge

Jis Nabi Ke Sadqe Meiñ Rab Mila Hameiñ AARIF

Dhikr Uss Nabi Ka Ham Sunte Haiñ Sunaayeñge

- - -

Penned by Mawlana Arif Barkaati, Malawi