3rd Caliph of Islam - Hazrat Usman Ghani (Radhi Allahu Ta'ala Anhu)

"JIS SE ALLAH KE FARISHTEY HAYA KERTEY HAIN, MEIN US SE HAYA KYUN NA KARUN", SAYING OF OUR PROPHET MUHAMMAD (Peace and Blessings be upon Him), PRAISE FOR USMAN GHANI (Radhi Allahu Ta'ala Anhu)

-----------------------------------------------------------------------------------------------------------------------

Hazrat Usman Ghani  (Radhi Allahu Ta'ala Anhu)  - Allah se Kya Pyaar he Poetry:

 Allah se kya pyaar he, Usman Ghani ka,

Mehboob e Khuda yaar he, Usman Ghani ka

Rangin woh rukhsaar he, Usman Ghani ka

Bulbul gule gulzaar he, Usman Ghani ka

Garmi pe ye baazaar he, Usman Ghani ka

Allah kharidaar he, Usman Ghani ka

Dil sokhto himmat jigar, ab hote hein thande

Woh saaya e diwaar he, Usman Ghani ka

Jo dil ko ziya de, jo muqaddar ko jila de

Woh jalwa e deedar he, Usman Ghani ka

Jis aaine mein, noore Ilaahi nazar aaye

Woh aaina rukhsaar he, Usman Ghani ka

Beemar he jis ko nahin, aazare muhabbat

Achcha he jo beemar he, Usman Ghani ka

Allaho ghani hadd nahin, inaamon ata ki

Woh faiz pe darbaar he, Usman Ghani ka

Ruk jaayen mere kaam Hassan, ho nahin sakta

Faizaan madadgaar he, Usman Ghani ka