SAYYIDINA ABUBAKR SIDDIQ - PT 3 [Kiswahili]

Assalaamu alaikum,

 

Natumai hamjambo. Tunamalizia masimulizi ya Khalifa wa kwanza wa Kiislam, Sayyidina AbuBakr Siddiq RadwiyAllahu Anhu, ambaye aliiaga dunia hii mwezi 22 Mfungo 9, ambayo ni kesho Jumanne.

 

 

Baada ya kumshukuru Allah na kumtakia Rahma Mtume Muhammad ﷺ, aya hapo juu ya 40 kutoka Sura Tawba inayoelezea fadhila mmojawapo ya Khalifa wa 1 wa Kiislam, Sayyidina AbuBakr Siddiq na ndiye tutakaemzungumzia kwani tarehe 22 ya mfungo huu 9 aliiaga dunia.

TAFSIRI: Wakati wawili (Mtume ﷺ na Sy AbuBakr) walipokuwa ndani ya pango, mmoja alimuambia mwenzake usihuzunike, hakika Allah yuko pamoja nasi.

 

FADHILA: Ingawa Sayyidina Abu Bakr Siddiq Radwiyallahu Anhu alikuwa mtu mwenye fadhila nyingi, lakini pamoja na yote hayo, kubwa zaidi ni kuwa vizazi vyake vinne (4) walikuwa Masahaba.  1 – Yeye mwenyewe Radwiyallahu Anhu.   2 – Baba yake, Abu Quhafa Radwiyallahu Anhu.    3 – Mwanae, AbdulRahman Radwiyallahu Anhu     4 – Mjukue, Abu Atiq Muhammad Radwiyallahu Anhu.

 

Baadhi ya mambo muhimu ya Sayyidina Abu Bakr Siddiq Radwiyallahu Anhu alikuwa wa kwanza:

1 – Kusilimu.

2 – Kukiita Quran Tukufu "MSAHAFU" (Kitabu).

3 – Kuikusanya Quran Tukufu baada ya Mtume ﷺ.

4 – Kupigana na makafiri

5 – Kuwa Khalifa

6 – Khalifa aliyeanza ukhalifa katika uhai wa baba yake.

7 – Kumchagua Khalifa atakaemfuata.

8 – Kujenga hazina.

9 – Kuitwa Khalifa.

10 – Kujenga Msikiti miongoni mwa Waislamu.

11 – Miongoni mwa wafuasi wa Mtume ﷺ kuingia Peponi.

 

Kuhusu fadhila za Sayyidina Abu Bakr Siddiq Radwiyallahu Anhu, kuna aya nyingi za Quran Tukufu na Hadithi pia; kati ya hizo Hadithi 181 zimepokelewa katika fadhila zake tu, Hadithi 88 zimepokelewa na Sayyidina Abu Bakr & Sayyidina Umar bin Khattab Radwiyallahu Anhuma, 17 zimepokelewa na Abu Bakr, Umar & Uthman bin Affan Radwiyallahu Anhum, 14 zimepokelewa na Makhalifa wote wanne, 16 zimepokelewa na Makhalifa wote wane pamoja na Masahaba wengine. Hivyo, katika jumla ya Hadithi 316, Mtume ﷺ ametuthibitishia fadhila ya sahiba wake wa pango, Sayyidina Abu Bakr Siddiq Radwiyallahu Anhu.

 

 

Matukio matatu muhimu sana yalitokea wakati wa Ukahlifa wake:

1. Mtume ﷺ aliipeleka jeshi la Masahaba shupavu na wakati bado ilikuwa katika kitongoji cha mji wa Madina, Mtume ﷺ aliiaga dunia. Baadhi ya Masahaba walimshauri Sy AbuBakr kuirejesha jeshi hilo ili kama kukitokea mchafuko wowote, basi watasaidia. Sy AbuBakr alisema hawezi kuirudisha jeshi ambalo Mtume ﷺ alishaituma.

 

2. Alijitokeza Musailmah bin Kazzaab aliyedai utume, akawa na wafuasi laki moja. Sy AbuBakr aliituma jeshi ya Masahaba shupavu 10,000 kukabiliana nae huko Yamama. Waislamu hao wachache walishinda ila wale waliohifadhi Quran wapatao 700 waliuawa mashahidi. Baada ya hapo ndipo Sy AbuBakr alianza kazi ya kuikusanya Quran iwe msahafu.

 

 

3. Kundi la Masahaba walimjia Sy AbuBakr wakidai kuwa kwa kuwa Mtume ﷺ ameshaiaga dunia, basi na wao hawatatoa zaka. Sy AbuBakr alisimama kwa ujasiri na kutangaza jihad dhidi yao na kusema kuwa kila yule aliyetoa japo mbuzi, atahakikisha anafanya hivyo.

Imani ina matawi 360 na Sy AbuBakr alijaaliwa matawi yote. Siku ya Qiyama, kila atakaeingia Peponi, ataitwa kupitia mlango maalumu kutokana na alivyo kithirisha ibada fulani; mfano kama mtu alikithirisha sana saumu, basi ataitwa kupitia mlango wa wenye kufunga saum. Sy AbuBakr ataitwa kupitia milango yote, inamaanisha alikuwa mkamilifu wa kila ibada.

 

Maswali na maoni yanakaribishwa.

Jazak Allah.

SAYYIDINA ABUBAKR SIDDIQ - PT 2 [Kiswahili]

Assalaamu alaikum,

 

Natumai hamjambo. Tunaendelea na masimulizi ya Khalifa wa kwanza wa Kiislam, Sayyidina AbuBakr Siddiq RadwiyAllahu Anhu, ambae siku yake ni Jumanne ya tarehe 21/3/2017..

 

 

Baada ya kumshukuru Allah na kumtakia Rahma Mtume Muhammad ﷺ, aya hapo juu ya 40 kutoka Sura Tawba inayoelezea fadhila mmojawapo ya Khalifa wa 1 wa Kiislam, Sayyidina AbuBakr Siddiq na ndiye tutakaemzungumzia kwani tarehe 22 ya mfungo huu 9 aliiaga dunia.

TAFSIRI: Wakati wawili (Mtume ﷺ na Sy AbuBakr) walipokuwa ndani ya pango, mmoja alimuambia mwenzake usihuzunike, hakika Allah yuko pamoja nasi.

 

Sy Abubakr alipofuatana na Mtume ﷺ kutoka Makkah kuhamia Madina, njiani alimbeba Mtume mgongoni na kutembea juu ya vidole vya mguu kwa kuhofia makafiri wasije kuyafuata vikanyago. Walipojipumzisha kwenye pango, Sy Abubakr aliingia kwanza kuisafisha na kuziba matundu yote, kisha ikabaki tundu moja tu, aliloziba kwa kidole cha mguu. Kumbe ndani alikuwa nyoka wa zama za Mtume Musa aliyetaka kumuona Mtume ﷺ. Aliposhindwa kupita kwenye matundu, ndipo alimng'ata Sy Abubakr. Kwa kuwa Mtume ﷺ aliweka kichwa chake kitukufu kwenye paja la Sy Abubakr na alilala, Sy Abubakr alivumilia sana maumivu makali ya kung'atwa na nyoka na wala hakutikisika. Ila machozi yalibubujika kwenye uso tukufu wa Mtume ﷺ na ndipo Mtume ﷺ aliamka na kufahamishwa hali halisi. Mtume ﷺ alimpaka mate yake matukufu Sy Abubakr sehemu alipong'atwa na maumivu yalitoweka.

 

 

Wakati wa ugonjwa wake, Mtume ﷺ alimsimamisha kwenye nafasi yake Sy Abubakr kuwa Imamu wa Masahaba.

 

Mtume ﷺ alipoaga dunia, Masahab walichangayikiwa kabisa na Sy Umar alitembea na panga akisema "yeyote atakaesema kuwa Mtume ﷺ ametuondoka, basi nitamuua". Lakini Allah Alimjaalia ushupavu Sy Abubakr, alipoingia Msikitini na kuanza kuwatuliza Masahaba, kisha alisimama juu ya mimbar. Alisoma aya ya 144 ya Sura Aali Imran : na Muhammad hakuwa ila ni Mtume. Na wamekwishapita kabla yake Mitume, je akifariki na kuuawa basi mtageuka kurudi nyuma? Na atakaegeuka kurudi nyuma, huyo hatamdhuru kitu Allah. Na Allah Atawalipa wanaomshukuru. Baada ya kumaliza aya hiyo ndipo Masahaba walitulia.

 

Alichaguliwa Khalifa wa Kiislamu kwa kura zote za Masahaba wote akiwemo Sayyidina Ali RadwiyAllahu Anhu, aliyekiri kuwa yule aliyechaguliwa na Mtume ﷺ kuiongoza umma katika sala (imamu), basi bila shaka anapaswa kuwa Khalifa wetu. Ieleweke kuwa mwenye kupinga Usahaba wa AbuBakr, basi bila shaka anazikataa aya za Quran Tukufu na kwa hali hiyo atajiondoa katika Uislam.

 

Sayyidina AbuBakr alikuwa mjasiri na shupavu sana kiasi cha kwamba wakati wa Mtume ﷺ kuiaga dunia, baadhi ya mambo magumu yalijitokeza lakini aliyatatua kwa ujasiri mkubwa. Mmojawapo ikiwa: Mtume ﷺ alituma jeshi la Masahaba shupavu na bado walikuwa ndani ya kitongoji cha mji wa Madina wakati Mtume ﷺ alipoiaga dunia. Baadhi ya Masahaba walipomuomba Sayyidina AbuBakr kurejesha jeshi hilo ili kukabiliana na vurugu ikiwa zitatokea, alikataa kwa madai kuwa Mtume ﷺ alishaituma jeshi hilo na hivyo yeye hawezi kuirejesha.

 

Pia baadhi ya Masahaba walikataa kutoa zaka baada ya Mtume ﷺ kuiaga dunia, lakini Sayyidina AbuBakr kwa ujasiri wake alihakikisha kila mstahiki wa kutoa zaka anatekeleza amri hiyo hata kama ikibidi kukabiliana nao kwa jihad.

 

Bado hali ilikuwa haijatulia vizuri, mara akajitokeza Musailm bin Kazzaab aliyedai utume. Wafuasi wake walifikia 100,000 dhidi ya jeshi la Waislam kiasi cha 10,000; Waislam walishinda vita hivyo.

 

Maswali na maoni yanakaribishwa.

 

JazakAllah.

SAYYIDINA ABUBAKR SIDDIQ - PT 1 [Kiswahili]

Assalaamu alaikum,

 

Natumai hamjambo. Mfungo tulionao ni wa TISA (JAMADI-UL-AKHAR), ambamo katika tarehe 22, Khalifa wa kwanza wa Kiislam, Sayyidina AbuBakr Siddiq RadwiyAllahu Anhu aliiaga dunia hii. Ifuatayo ni risala fupi kuhusu baadhi ya fadhila zake.

 

 

Baada ya kumshukuru Allah na kumtakia Rahma Mtume Muhammad ﷺ, aya hapo juu ya 40 kutoka Sura Tawba inayoelezea fadhila mmojawapo ya Khalifa wa 1 wa Kiislam, Sayyidina AbuBakr Siddiq na ndiye tutakaemzungumzia kwani tarehe 22 ya mfungo huu 9 aliiaga dunia.

TAFSIRI: Wakati wawili (Mtume ﷺ na Sy AbuBakr) walipokuwa ndani ya pango, mmoja alimuambia mwenzake usihuzunike, hakika Allah yuko pamoja nasi.

 

Jina lake hasa ni Abdullah, ila AbuBakr likawa maarufu na Siddiq alipewa na Mtume ﷺ kwa kusadikisha msafara wa Miiraj. AbuBakr kamwe hakuabudu masanamu hata kabla ya kusilimu wala hakuwahi kunywa pombe kipindi bado haijaharamishwa; na alisema hawezi kutumwa kinywaji kinachoua akili ya binadamu. Baada ya kuwa na uwezo kutembea, baba yake (Abu Quhafa) alimpeleka mbele ya sanamu na kumuambia kuwa huyu (sanamu) ndiye mungu wetu anaetulisha, visha na kutupa kila kitu. Sy AbuBakr akasimama mbele ya sanamu na kusema: mimi nina njaa nilishe, nina kiuu ninyweshe, sina nguo nivishe. Alipoona kimya, alichukua jiwe na kulipiga sanamu na ikaanguka. Baba yake alikasirika sana na kumpiga kibao kisha kumburuza hadi nyumbani na akamwambia mkewe : hebu mfundishe mwanao, leo kampiga mungu wetu, hana adabu huyo. Mkewe alimjibu: ewe Abu Quhafa, naomba usimwambie chochote huyu mwanetu, kwani nilipomzaa nilisikia sauti ikisema: umebarikiwa mtoto atakaekuwa rafiki wa karibu wa Muhammad ﷺ, Mtume wa mwisho. Mimi simjui huyu Muhammad ﷺ ni nani.

 

Kisa cha kusilimu kwake; Sy AbuBakr alikuwa katika safari zake za biashara nchini Shaam (Syria), ambapo padiri mmoja aliziona alama fulani zilizotajwa kwenye vitabu vya kikristo kuhusu Sy AbuBakr. Padiri alimuambia arudi Makkah haraka kwani rafiki yake wa karibu, Mtume ﷺ, atakapotangaza Utume, yeye awe karibu nae. Sy AbuBakr alipofika kwa Mtume ﷺ, alimwambia kuwa anamuamini sana ila anahitaji aonyeshwe muujiza mmoja tu ili roho yake itulie. Mtume ﷺ alimuambia kuwa anahitaji muujiza gani zaidi ya kuambiwa na padiri huko nchi ya Shaam kuhusu kutangaza kwangu Utume. Papo kwa hapo Sy AbuBakr alisilimu. Hivyo alikuwa wa mwanzo kusilimu.

 

Sy AbuBakr alijitolea mali yake yote kwa ajili ya Mtume ﷺ na Uislam. Baada ya kusilimu tu, Sy AbuBakr alimletea Mtume ﷺ dinar 40,000 kwa matumizi atakavyo Mtume ﷺ mwenyewe. Mtume Swall-Allahu Alaihi Wasallam alisema kuwa Uislamu umepata faida sana kupitia mali ya Sy AbuBakr kuliko mali ya Sahaba yeyote.

 

Sy Abubakr hakuabudu sanamu wala kunywa pombe, kabla ya kusilimu, na katika enzi ambazo ilikuwa haiajaharamishwa na kusema kuwa pombe inaua akili ya binadamu kwa hiyo sikuona sababu kuitumia ambapo inanipa hasara tu!

 

Sy Abubakr alikuwa karibu sana na Mtume ﷺ kila mara. Mtume Swall-Allahu Alaihi Wasallam amesema kuwa kila aliyempa wito wa Uislamu, kwanza alikataa isipokuwa Sy Abubakr aliyekubali mara moja.

 

Sy Abubakr ndiye aliyemkomboa Bilal bin Rabah kwa pesa nyingi mno pale alipoteswa kwa sababu ya kusilimu.

 

Maswali na maoni yanakaribishwa.

 

JazakAllah.