Qalam Se Ab Nikalta Hai Bayan-e-Shan-e-Marehra

FAIZAN E MAREHRA

Qalam se ab nikalta hai Bayan-e-Shan-e-Marehra.
Hamesha qadriyoñ par Rahe Faizan-e-Marehra.

Shariat ka Tariqat ka Haseeñ sañgam hai ye Dharti.
Isi Dharti pe dunya Sunniyat ki Sari hae marti.

Shah-e-Abdul Jaleel-e-Bilgerami ne yahañ Aakar.
Urooj-e-Khas Bakhssha Arz-e-Marehra ko wo yak sar.

Ke Sare jag me shohra hogaya is paak dharti ka.
Bana Marehra Markaz bil Yaqiñ sab Ahlesunnat ka .

Hae Mujh par Sahabul Barkaat ki barkat bahot Zyada.
Jo mae bhin Ban gaya Midhat nigar-e-Arz-e-Marehara.

Shah-e-Aa’l-e-Muhammed Aa’bid-e-Zeeshan-e-Marehra.
Huzur Aa’l-e-Rasool-e-Ahmedi Sultan-e-Marehra.

Jamal-e-Hazrat-e-Noori , Mizal-e-Hazrat-e-Noori.
Bayañ mae kar nahi sakta kamal-e-Hazrat-e-Noori.

Hae Faiz-e-Jari-e-Qasim jahañ me har jagah logo.
Aqeedat ki nigahoñ se zara tum Dosto dekho.

Na Bhuleñ ge kabhi Sayyed miyañ ki Shafqateñ Sunni.
Na Bhuleñ ge kabhi Hayder Hasan ki Barkateñ Sunni.

Ameen-e-Basafa , Nazmi ki Danai k kya kahene.
MiyaN Ashraf . Najeeb , Afzal ki ra’anai ke kya kahene.

Mushahid Ho Fida Azm-e-Aman-e-Deen wo Millat ke.
Ke un k dam se Gulshan Shahe barkat ka sada foole

Penned By: Dr. Muhammad Husain Mushahid Razvi