Subha Taiba Mein Hui Bat-ta Hai Baara Noor Ka

Subha Taiba Mein Hui Bat’ta Hai Baara Noor Ka

Sadqa laynay noor ka aaya hai tara noor ka

Jo gadha dekho liye jata hai tora noor ka

Noor ki sarkar hai kiya is mein tora noor ka.

Mein gada tu badshah bhar day piyala noor ka

Noor din duna tera day daal sadqa noor ka.

Sham’a dil mishqaat tan sina zujaja noor ka

Teri surat kay liye aaya hai surah noor ka.

Teri naslay paak mein hai bacha bacha noor ka

Tu hai a’ainay noor tera sab gharana noor ka.

Noor o binte, noor zojay, noor o umme, noor o noor

Noore mutlaq ki kami zala hai lahma noor ka.

Nariyoon ka door tha dil jal raha tha noor ka

Tum ko dekha ho gaya thanda kaleja noor ka.

Taj walay dekh ker tera imama noor ka

Sir jhukatay hain ilahi bol bala noor ka.

Chand jhuk jata jidhar ungli uthatay mehad mein

Kiya hee chalta tha isharoon per khiloona noor ka.

Aie RAZA yeh Ahmad e Noori ka faize noor hai

Ho gayi meri ghazal bhar ker qasida noor ka.