Maah E Seema Hai Ahmed e Noori

Maah e Seema hai Ahmad-e-Noori

Mehr e Jalwa hai Ahmad-e-Noori

Noor wala hai Ahmad-e-Noori

Noor wala hai Ahmad-e-Noori

Door pahuncha hai Ahmad-e-Noori

Bahot ooncha hai Ahmad-e-Noori

Wasf ujla hai Ahmad-e-Noori

Kashf akhfa hai Ahmad e Noori

Zikre aisa ke kalme ki ungli

Khoob sarapa hai Ahmad-e-Noori

Anjuman ho rahi mashrik Noor

Jalwa farma hai Ahmad-e-Noori

Achhe pyare ke dil ka tukda hai

Achha achha hai Ahmad-e-Noori

Bholi surat hai Noor ki moorat

Pyara pyara hai Ahmad-e-Noori

Gule baghdad ki mehak me basaa

bheena bheena hai Ahmad-e-Noori

Abr barkaat ki tapak mein dhula

Ujla ujla hai Ahmad-e-Noori

Sayyadul Ambiya Rasoolullaah ﷺ

Tera baba hai Ahmad-e-Noori

Mere Aaqa ka laadla beta

Naazo paala hai Ahmad-e-Noori

Teri rehmat teri ne'mat par

Mera daawa hai Ahmad-e-Noori

Mere Aaqa ka tujhpe aur tera

Mujhpe saaya hai Ahmad-e-Noori

Noor e ahmed mujhko bhi chamka de

Naam tera hai Ahmad-e-Noori

Doodh ka doodh paani ka paani

Karnewala hai Ahmad-e-Noori

Jis ka main khana zaad us ka Tu

Pyara beta hai Ahmad-e-Noori

Mere haq mein mukhaalifon ki na sun

Haq yeh mera hai Ahmad-e-Noori

Itna keh de Raza Hamara hai

Paar beda hai Ahmad-e-Noori

Aye Raza kyun malool hote ho

Haan tumhara hai Ahmad-e-Noori !

- - -

Penned By:

Aala Hazrat, Imam Ahmad Raza Khan Qadri Barkaati Faazil e Bareilly Alaihi Rahma