Urs-e-Amjad Ali Me Chalay Aaiye...

Urs-e-Amjad Ali mein chalay Aaiye
Majd-e-Amjad ki Soghat le Jaaiye

Kis qadar pur kashish hay ye Razawi Samaa
Jalwa farma hain kia AlaHazrat yahan

Bazm-e-Sadrush Shariah ki ye Dilkashi
bay khudi de gaee aur khudi le gaee

bay khudi mein huay dahr se bay khabar
bay khudi apni hay deen mein mu'tabar

Gulsitaan-e-Raza hay yahan bay gumaan
hay Bahar-e-Shariat yahan bay khizaan

Nazm meri wahan gungunai gaee
Mein bhi haazir hun yun, gaaibana sahi

tum ko Amjad Raza se mila mayh kadaa
Aik Aalam hua baada khwar-e-Raza

Rind teray Dua gou rahengay sadaa
Jaam o Paymana bhar de mera Saaqiya

Apnay Akhtar pe bhi ko Karam ki Nazar
Iss ke daaman mein bhi daaliye kuch Guhar

Written by: Huzoor Taj ush Shariah, Mufti Akhtar Raza Khan.
Written in the praise of Sadr-ush-Shariah, Hazrat Allama Mawlana Amjad Ali al-Azami.
Date Written: 29 August 2013