Shuja'at Naaz Karti Hai, Jalaalat Naaz Karti Hai...

Shuja’ath Naaz Karthi Hai Jalaalath Naaz Karthi Hai
Woh Sultaane Zamaan Hein Un Pe Shaukath Naaz Karthi Hai

Sadaaqath Naaz Karthi Hai Amaanath Naaz Karthi Hai
Humiyyath Naaz Karthi Hai Murawwath Naaz Karthi Hai

Shahe Khoobana Pe Har Khoobi-O Khaslath Naaz Karthi Hai
Kareem Aise Hein Woh Un Par Karaamath Naaz Karthi Hai

Jahaan E Husn Me Bhi Kuch Niraali Shaan Hai Un Ki
Nabi Ke Gul Pe Gulzaarown Ki Zeenath Naaz Karthi Hai

Shehanshaahe Shaheedaan Ho Anokhi Shaan Waale Ho
Husein Ibne Ali Thum Par Shahaadath Naaz Karthi Hai

Bit’ha Kar Shaana E Aqdas Pe Kardi Shaan Do Bala
Nabi Ke Laadlown Par Har Fazeelath Naaz Karthi Hai

Nigaah E Naaz Se Naqsha Badal Deythe Hein Aalam Ka
Adaa-E Sarware Khoobaan Pe Nudrath Naaz Karthi Hai

Fidaa-I Hoon Tho Kis Ka Hoon Koi Dekhe Meri Qismath
Qadam Par Jis Haseen Ke Jaane Thal’ath Naaz Karthi Hai

Khuda Ke Fazl Se Akhthar Mai Unka Naam Lewa Hoon
Mai Hoon Qismath Pe Naazaan Mujh Pe Qismath Naaz Karthi Hai

Written by: Huzoor Taaj ush Shariah, Mufti Akhtar Raza Khan