Ads 468x60px

Feb 2, 2013

Ta'zim -e- Rasool


•»EK SAYYADZAADI AUR MAJUSI«•
********************************
HIQAYAT:-
''''''''''''''''''
Mulk Samarkandh May Ek Bewa Sayyadzaadi Rehti Thi! Uske Kuch Bacche Bhi The! Ek Din Wo Apne Bhooke Bacchon Ko Leker Ek Raees Aadmi Ke Paas Pahuchi Aur Kaha, Main Sayyadzaadi Hoon Mere Bacche Bhooke Hain, Ineh Khana Khilao! Wo Raees Aadmi Jo Daulat Ke Nashe May Choor Aur Bara-A-Naam Musalman Tha, Kehne Laga Tum Agar Wakayi Sayyadzaadi Ho To Koi Dalil Pesh Karo! Sayyadzaadi Boli, Main Ek Garib Bewa Hoon! Zabaan Per Ehtebaar Karo Ki Sayyadzaadi Hoon, Aur Dalil Kya Pesh Karoon? Wo Bola, Main Zubaani Jama-Kharch Ko Nahi Maanta Agar Koi Dalil Hain To Pesh Karo Warna Jao! Wo Sayyadzaadi Apne Bacchon Ko Leker Wapas Chali Aayi Aur Ek Majusi (Paarsi, Aag Ko Poojne Wala) Raees Ke Paas Pahuchi Aur Apna Saara Kissa Bayaan Kiya! Wo Majusi Bola, Mohtarma! Agarche Main Musalman Nahi Hoon Magar Tumahri Sayadat Ki Taazim, Wa Taukeer, Wa Qadr Karta Hoon! Aao, Aur Mere Yahan Hi Kyaam Farmao! Main Tumahri Roti Aur Kapde Ka Zaamin Hoon! Yeh Kaha Aur Use Apne Yahan Tahraker Use Aur Uske Bacchon Ko Khana Khilaya Aur Unki Badi Khidmat Ki! Raat Hui To Wo Bara-A-Naam Musalman Raees Soya Aur Usne khwab May Huzoor SALLALLAHU-TA'AALA-ALAIHI-WASALLAM Ko Dekha Jo Ek Bahoat Bade Noorani Mahel Ke Paas Tashrif Farma The! Us Raees Aadmi Ne Pucha, Ya Rasoolallah! Yeh Noorani Mahel Kiske Liye Hain? Huzoor Ne Farmaya, Musalman Keliye! Wo Bola To Huzoor Main Musalman Hoon! Yeh Mujhe Ata Farma Dijiye! Huzoor Ne Farmaya, Agar Tu Musalman Hain To Apne Islaam Ki Koi Dalil Pesh Ker! Wo Raees Yeh Sunker Bada Ghabraya! Huzoor Ne Fir Usse Farmaya, Meri Beti Tumahre Paas Aayi To Tu Usse Sayadat Ki Dalil Talab Kare aur Khud Bagair Dalil Pesh Kiye Is Mahel May Chala Jaye, Na-Mumkin Hain! Yeh Sunker Uski Aankhen Khul Gayi Aur Bada Roya! Fir Us Sayyadzaadi Ki Talaash May Nikla To Use Pata Chala Ki Yeh Fala Majusi Ke Ghar Kyaan Pajir Hain!
Chunanche, Us Majusi Ke Paas Pahucha Aur Kaha Ki Ek Hazaar Rupiye Le Lo Aur Wo Sayyadzaadi Mere Supurdh Kerdo! Majusi Bola, Kya Main Wo Noorani Mahel Ek Hazaar Rupiye May Bech Du? Na-Mumkin Hain! Sunlo! Huzoor SALLALLAHU-TA'AALA-ALAIHI-WASALLAM Jo Tumeh Khwab May Milker Us Mahel Se Dur Ker Gaye Hain! Wo Mujhe Khwab May Milker Aur Kalima Padhaker Us Mahel May Dakhil Farma Gaye Hain! Ab Main Bhi Biwi-Bacchon Samet Musalman Hoon! Mujhe Huzoor Basharat De Gaye Hain Ki Tu Ahal Wa Ayaal Samet Jannati Hain!

(Nujjahtul Majalis, Jild-2, Pg-94)

********************************
SABAK:-
'''''''''''''
Dalil Talab Karne Wala Bara-A-Naam Musalman Bhi Jannat Se Mehroom Reh Gaya! Aur Nisbat-A-Rasool Ka Lihaaz Karke Bagair Dalil Ke Bhi Taazim Wa Adab Karne Wala Ek Majusi Bhi Daulat-A-Imaan Se Musharraf Hoker Jannat Pa Gaya! Malum Hua Ki Adab Wa Taazim-A-Rasool Ke Baab May Baat-Baat Per Dalil Talab Karne Wala Bara-A-Naam Musalman Badh-Bakht Aur Mehroom Reh Jane Wala Hain!
*******************************-

0 comments:

Post a Comment

Enter your Comment here...

 

Visitor's Traces

Total Page views