Maah e Bahar Aaya, Dil Ko Qarar Aaya

Maah-e-Bahar Aaya, Dil ko Qarar Aaya
Aalam pe Noor Chaya, wo Dilfigar Aaya

Bajtay hian Shadyanay, Har Soo hain ye Taranay
Aaya wo Noor wala wo Zi Waqar Aaya

Sar ko kata deingay, Jaanain luta deingay
Naamoos pae jiski, wo Naamdaar Aaya

Khaaliq ka Banda, Khalqat ka Aaqa
Mahboob-e-Rabb-e-Aali Waqar Aaya

Har samt pehli jiski Zia hay
wo Noori Paiker wo Shahkaar Aaya

Zikr-e-Wiladat ki Barkaton se
Dil par hay Noor chaya, Rukh par Nikhar Aaya

Jis Gul ki Bheeni Bheeni Mahak se
Do Jag Mu'attar wo Mushkbaar Aaya

Milad-e-Mustafa mein, Gulshan Mahak rahay hain
Sunni Chahak rahay hain, Jaan-e-Bahar Aaya
 
Arab-o-Ajam mein Aamad ki Dhoomain
Najdi Wahhabi Sub ko Bukhar Aaya

Gham ki Ghataen, Dahshat, Balaen
Sub door karnay wo Ghamgusar Aaya

Jashn-e-Wiladat, Subko Mubarak
Jiski ki hain Ummat, wo Shahryar Aaya

Irfan Kiyun na Khushiyan Manaey?
Banda hay Jiska wo Taajdaar Aaya

- - -
Penned by Haji Irfan Edhi Qadiri (Madinah Munawwara), 12th Rabi al Awwal Sharif 1432H