Ads 468x60px

Share:

Feb 11, 2014

Apne Rauze Par Bulaya Hai Shaah E Baghdad Ne

Apne Rauze par Bulaya hai Shahe Baghdad ne..
Rashk ke Qaabil banaya hai Shahe Baghdad ne..

Ahle Sunnat ki ye kashti doob sakti hi nahi..
Doobi kashti ko nikaala hai Shahe Baghdad ne..

Murdah Dil ko Zindah kije Muhye deene Mustafa..
Kitne Murdon ko jilaaya hai Shahe Baghdad ne..

Al Madad Ya Ghause Aazam jisne bhi dil se kaha..
Har Mosibat se bachaya hai Shahe Baghdad ne..

Ek hi saa'at men sattar aadmi ke mehmaan..
Har kisi ko Faiz Bhakhsha hai Shahe Baghdad ne..

Dil Hamare band hain mutthi men Ghause paak ki..
Is liye Hamko Bulaya hai Shahe Baghdad ne..

Allah Allah Ghause Aazam ka tasarruf dekhiye..
Chor ko Abdaal banaya hai Shahe Baghdad ne..

Khuld men Le jaaegi sachchi Aqeedat Ghaus ki..
Apne Dhobi ko bachaaya hai Shahe Baghdad ne..

Hazrate Ahmad Raza se Ghaus ka daaman mila..
Peyaare Aaqa se milaya hai Shahe Baghdad ne..

Muftiye Aazam ki Surat Surate Ghausul Wara..
Saaghare Ulfat pilaaya hai Shahe Baghdad ne..

Hazrate Taajush Shariah par karam hai Ghaus ka..
Deen ka Rahbar banaya hai Shahe Baghdad ne..

Jaame Yam se Nam milega tumko bhi Shahid Raza..
Apne Mangton ko Pilaya hai Shahe Baghdad ne..

- - -

Penned by:
Maulana Shahid Raza Qadri (Malawi)

0 comments:

Post a Comment

Enter your Comment here...

 

Visitor's Traces

Total Page views

Follow by Email