Shai Al Lillah Ya Abd al Qadir

Idhar Bhi Nighaa E Karam Ghawth-E-Aazam,

Karo Door Ranj-O-Alam Ghawth E Aazam.

Tumhi Dukh Suno Apne Aafat Zadon Ka,

Tumhi Dard Ki Do, Dawaa Ghawth E Aazam.

Bha(n)Var Me Pha(N)Saa Hai, Safina Hamaara,

Bacha Ghawth E Aazam Bacha Ghawth E Aazam.

Zamaane Ke Dukh Dard Ki Ranjo Gham Ki,

Tere Haath Me Hai, Dawa Ghawth E Aazam.

Pha(N)Saa Hai Tabaahi Me, Beraa Hamaara,

Sahaara Lagaa Do, Zara Ghawth E Aazam.

Mashaaikh Jahaan Aayein, Behr E Gadaai,

Woh Hai Teri Daulatsara, Ghawth E Aazam.

Wahaan Sar Jhukaate Hain, Sab Oonche Oonche,

Jahaan Hai Tera Naqsh E Paa, Ghawth E Aazam

Meri Mushkilo(N) Ko Bhi Aasaan Kijiye,

Ke Hain Aap Mushkil Kusha, Ghawth E Aazam

Kahe Kis Se Jaakar, Hasan Apne Dil Ki,

Sune Kaun Tere Siwa, Ghawth E Aazam.

Khilaata Pilaata Hai Rabb-E-Do Aalam,

Tujhe De Ke Apni Kasam Ghawth E Aazam.

Tere Haath Mein Haath Meine Diya Hai,

Tere Haath Hain Laaj, Ya Ghawth E Aazam.

Nikala Hai Pehle To Doobe Huwo Ko,

Aur Ab Doobto Ko Bacha Ghawth E Aazam.

Mureedo Ko Khatra Nahin Behr-E-Gham Se,

Ke Bere Ke Hain Naa Khuda Ghawth E Aazam

Ghira Hoon Mein Har Samt Se Ranj-O-Gham Mein,

Khudara Karam, Kar Karam, Ghawth E Aazam.

Woh Rutbaa Tera Hai Ke Jitne Wali Hain,

Sabhi Tere Zair-E-Qadam Ghawth E Aazam.

Hai Gardan Mein Teri Ghulami Ka Patta,

Tujhi Se Hai Mera Bharam Ghawth E Aazam.

Tera Hoon Mein Tera Mere Is Kahe Ka,

Sar-E-Hashr Rakhna Bharam Ghawth E Aazam.

Madinay Se Najdi Bala Ko Nikalo,

Karo Un Kay Sar Ko Qalam Ghawth E Aazam.

Mera Har Maraz Door Ho Jaaye Piyaare

Karo Aisa Aakar Ke Dam Ghawth E Aazam.

Mere Chaand Mera Muqaddar Sa(N)Waaro,

Bohot Ho Gaye Paich-O-Gham Ghawth E Aazam.

Mujhe Khwaab Me Aa Ke Jalwa Dikha Do,

Karo Aaj Ki Shab Karam Ghawth E Aazam.

Nazar Jab Uthaaoon Nazar Aaye Mujh Ko,

Madine Ka Dilkash Haram Ghawth E Aazam.

Jila Paaye Ga Dil Ubaid-E-Raza Ka,

Zara Rakh Do Apna Qadam Ghawth E Aazam

- - -

Penned by Allama Hasan Raza Khan (Rahimahullah),
Additional couplets by Al-Haajj Muhammad Owais Raza Qadri Barkaati