A Humble Attempt Towards Praising "The Beloved"‏ Peace & Blessings Be Upon Him

Ziay-e-Gumbad-e-Khazara ke Noorani Nazaron mein; 

Machal Jata hay Dil Aashiq ka Inn Rangeen Baharon mein

Meray Piyaray k Piyaray Shehar ki wo Baat hay Piyari; 

Ke Khud Piyaray ko Piyar aaey wo piyara hay ye Piyaron mein

Meri Aankhon mein ub bastay nahin hain phool jannat kay; 

Nazar meri lagi hay ub tou buss Tayba kay Khaaron mein

Karam ki ye jhalak dekho k mujh jesa Kameena bhi; 

Dar-e-Aqdas pe Hazir hay Firishton ki Qitaaron meine

Wo Aaey Muskuratay Rehmatullil Aalameen bun kar; 

Qarar-e-JaanFiza bun kr Aseeron Bay Qararon mein

Meray Maa Baap Qurban aap par ae Sayyad-e-Aalam; 

Meri Jitni bhi hon naslain sabhi hon Jaan Nisaaron mein

Luta dain Naam-e-Sarwar par Mata-e-Karwan Apna; 

Mita kar khud ko ho jaengay shamil Naamdaaron mein

Ba Wajh-e-Ulfat-e-Aaqa mila ye Ohud ko Sadqa; 

Shumar iska hay Jannat kay Buland Rutba Pahaarron mien

Ata ho Sar pe rakhnay ko mujhe jo Na'al Paak Unka; 

Kahunga phir fakhar se mein bhi hun ub Taajdaaron mein

Jo hay ALLAH ka wo Aapka hay BayGumaan Wallah; 

Nahin hota ye Tera Mera Yaaron aur Pyaaron mein

Ata-e-Rub Ta'ala se wo hain Mukhtar-e-Kul BayShuk; 

Unhi kay Dar se bat'ti hay yahan Khayraat saaron mein

Ata ho Sadqa-e-Sor-o-Hira meray Kareem Aaqa; 

Teray hi Jalway buss jaen hamaray Dil k Gaaron mein

Qamar do tukrray ho jaey palat aaey gaya sooraj; 

Wo Taaqat hay Meray Aaqa ki Ungli k Isharon mien

Teri bakhshish ki dhoomain hain Ajam k ShaherYaaron mein; 

Teri Kheraat kay Charchay Arab kay Maaldaaron mein

Unhi kay NOOR se Roshan hain Mehr-o-Maah aur Taaray; 

Mehak Unki hay Phoolon mein Chaman mein GulAzaaron mein

Abu Bakr o Umar Usman o Hayder kay jo Dushman hain; 

Jahannum kay wo kuttay hain shumar unka hay Khwaron mein

Chura letay hain Munkir Dolat-e-Eman pal bhar mein; 

Khabasat mein bhi Awwal aur Bala kay Raah Maaron mein

Teri Azmat teri Naamoos par jo detay hain pehra; 

Mera bhi naam ho jaey Shaha Unn Pehradaaron mein

Teray hi Jalway buss jaen meri Pyaasi Nigahon mein; 

Tera hi Naam ho Aaqa meray DIL ki Pukaaron mein

Nahin chorraingay Sunni Naat Khwani ki Mahafil ko; 

k Naat-e-Sarwar-e-Konain hay Qur'an kay Paaron mein

Wo jin kay DIL mein bastay hain Gulistan-e-Sana Goee; 

Meray DIL ko bhi kar do Syedi Unn LalaZaaron mein

Khuda kay Fazl se Akhtar Raza Khan Qadri Razawi; 

Meray Murshid Meray Rehbar hain meray Gumgusaaron mein

Mein hun adna sa ek Khadim Shaha Akhtar Raza Khan ka; 

Rahoon mein Taa Dam-e-Aakhir unhin kay Rayza Khwaron mein

Meray Ghous-o-Raza Khwaja-o-Hamid Mustafa Murshid; 

Koi kesay Giraaega mujhe itnay Sahaaron mein

Shaha ~Irfan ko Apna bana kar Tayba mein Rakh lo; 

kay ye bhi hay yahan ki Khaak kay Umeedwaaron mein

Baqee-e-Pak mein mil jaey madfan jo mujhe ~Irfan; 

Muqaddar wala kehlaonga mien Laakhon Hazaron mein